Me har følgande rutine for oppstart og tilvenning:
1.mars: Søknadsfrist til hovudopptak. Ledige plassar vert tildelt ila april.
Innan 15 mai: Barnehagen sender ut oppstartsbrev og informasjon til nye barn og foreldre
7. juni: Foreldremøte for nye kundar
Juni: Besøksdag 1 dag/veke
15.august: Oppstart nytt barnehageår. Plan for tilvenning etter avtale med pedagog på gruppa.
Me følger FUS standard for tilvenning, der foreldra deltek aktivt i tilvenningsprosessen saman med barnet sitt.
Tilvenning foregår over fem dagar der ein av barnet sine foreldre er saman med barnet i barnehagen kvar dag. Forelderen deltek i gruppa sine daglege aktiviteter, inne som ute, og vert på den måten godt kjent med kvardagen i barnehagen. Forelderen er i nærleiken når barnet leikar, den hjelper barnet under måltida, skiftar bleie, får barnet til å sove, er der når barnet vaknar osv. Målet med dette er at barnet skal bli kjent med personalet gjennom mor eller far. Personalet får høve til å gradvis nærme seg barnet og bli kjent medan mamma eller pappa fortsatt er der som ein trygg base. Både forsking og erfaring viser at overgangen til å begynne i barnehage går lettare når foreldreaktiv tilvenning vert praktisert.