Foreldresamarbeid

Vår viktigaste samarbeidspartnar er foreldra til barnet. Det er de som kjenner barnet best og vi er avhengig av å ha eit tett og konstruktivt samarbeid med de foreldre. God informasjonsflyt mellom foreldre og tilsette legg grunnlaget for at barnehagen skal kunne legge til rette for barnets beste. Vi nyttar Mykid som det viktigaste verktyet når vi vil nå alle på ein gong. Der finn de planar, dagsrapportar, nyheitsbrev, generell informasjon om barnehagen og andre ting vi tykkjer er viktig. Det som gjeld kvart einskild barn tek vi direkte med foreldra når de leverar eller hentar. Er det informasjon eller spørsmål som ikkje eignar seg når barnet lyttar så tek vi gjerne ein telefon eller ber om ein samtale. Dette gjeld sjølvsagt og andre vegen, dersom de foreldre har noko de vil ta opp. Vi har lav terskel for å ta kontakt.
To gongar i året får de foreldre tilbod om ein utviklingssamtale. Då sett vi av ein halvtime til ein samtale om ditt barn. Vi tek opp trivsel, interesser, utvikling. Vener osb.
Foreldreundersøkinga som sendast ut kvart år er eit viktig verkty for oss. Vi brukar resultatet til å sjå på kvaliteten vi tilbyr på dei ulike områda den tek for seg. Kvart år går vi gjennom rapporten og ser kva kan vi forbetre oss på og kva vil vi videreføre. Dykkar meiningar er viktige for oss og vi ynskjer full deltaking i undersøkinga.