Coasteering (Vasstilvenning)
Barnehagen vår ligg nær sjøen, og me ønsker difor å bidra til at dei vert trygge i vatn.
Me har nytta tilskot til svømmeopplæring frå Statsforvaltaren, til å investere i utstyr til coasteering/vasstilvenning i sjø.
Dette er eit tilbod til førskulebarna våre for å gje dei eit godt grunnlag til å utvikle eigne symjeferdigheiter. Aktiviteten kan gjennomførast heile året.
Coasteering er ein form for friluftsaktivitet der ein klatrar, hoppar, sym og beveger seg i vatn, langs klipper og svaberg. Barn og vaksne vert utstyrt med våtdrakter, sko, hjelmar, vestar og hanskar, før ein saman går i vatnet. Gjennom leik får barna teste ut eigne og andre sine grenser, og utforske sjøen på eigne premisser.
Me ser gløden barna får i ansiktet når me gjer oss klar til neste utflukt. Med lavvo, bål, kakao, ullpledd og mykje spenning i oss, har me danna eit trygt miljø som gir god kapasitet til leik og læring!
