Velkommen til Valvatna FUS barnehage!
Frå 15.august 2022 har me ledige plassar for små og store barn. Ta gjerne kontakt på tlf.90848986 for å avtala eit besøk.
Valvatna FUS barnehage er bygd som ein avdelingslaus barnehage med 84 enhetar og 15 årsverk i grunnbemanninga.
Bygget er utforma med ein felles garderobe der alle kjem inn. Vidare har me mange, kjekke leikerom som vert opna etterkvart som det kjem vaksne på jobb om morgonen. Barna kan då fritt velgja kva rom dei vil gå inn på.
Alle barn og vaksne tilhøyrer ein fast base som dei er på frå klokka 9.00 til 12.30. Basen har eit fast rom som er deira, og dei har eigne turdagar basevis.
Barnehagen vektlegg sjølvstendiggjering gjennom leik, sosial læring og gode naturopplevingar. Dette kan du lesa meir om i årsplanen vår.
Me har eit godt kvalifisert og glødande personale hos oss. Dei fleste har arbeidd i barnehagen i mange år, og er kjende med innhald og mål for arbeidet. Me har ein fast vaksen på kjøkkenet som sikrar eit godt, variert og sunt kosthald. Det er som oftast varmt måltid to gonger i veka, og nysteikte rundstykker kvar fredag.
Barnehagen har eit flott naturområde som del av uteleikeplassen vår. Det innbyr til variert leik for barn i alle aldrar. I tillegg har me snikkarbod, og sjølvsagt syklar i alle storleikar.
Me har eigen minibuss som tar oss med til alle dei flotte og spennande naturområda på Stord og nabokommunane. Den vert nytta heile året, anten det er for å aka eller bada.
Kom gjerne innom og sjå i barnehagen vår!
