Ostereidet FUS barnehage har 3 aldersinndelte avdelingar og ligg i naturskjønne omgjevnader på Ostereidet. Barnehagen har eit stort uteområde med mykje naturtomt, og rett gjennom porten ligg flotte turområde i skog og mark. Dei brukar vi så mykje vi kan! Vi har også godt samarbeid med Ostereidet barneskule og Ostereidet Ungdomsskule som ligg rett over vegen.
Barnehagen har eit stabilt personale med gode vaksne som har god relasjonskompetanse og set barna først. "Barnet Først" er også navnet på FUS kjeden sin kompetansutvikling der vi heile tida styrkjer dei tilsette sin handlingskompetanse og kunnskap om korleis støtte barna i si utvikling og læring. https://fus.no/ostereidet/barnetforst
Vårt hovudmål er at alle barn skal få delta i leik. Våre prosjekt skal bygga på barna sine innspel og interesser. Saman med leikande vaksne, som gjer nye innspel, leiker vi for resten av livet! Leik , språk og gode relasjonar går hand i hand, difor er språkstimulerande aktivitetar og relasjonskompetanse hjå dei vaksne våre fokusområder.
Når nye barn startar i barnehagen ønsker vi å bli litt kjent før oppstarten. Vi inviterer til leiketreff og oppstartsamtale i mai/juni før barnet startar. https://fus.no/ostereidet/tilvenning-og-overgangar
Det siste halve året i Ostereidet FUS har dei eldste barna våre førskuleklubb ein dag i veka. Då tar vi utgangspunkt i eit pedagogisk opplegg som heiter lekbasert læring. I dette opplegget er det fokus på leik og mange kjekke oppgåver for barn. Her kan du lese meir https://lekbasert.no/om-lekbasert-laering/
Vi ønskjer å skape gode kvardagar for barna, og hjå oss kjem leiken først!
Ta gjerne kontakt dersom du ønskjer å høyra meir om korleis vi har det på Ostereidet!
