Velkommen til Ølensjøen FUS barnehage

Jenny er vår strukturerte leiar med god oversikt over det daglege arbeidet i barnehagen. Ho er opptatt av kvalitet og utvikling, kompetanseheving står i fokus. Jenny tek seg tid til kvar og ein medarbeidar, kontordøra står alltid open. Jenny har etterutdanning i pedagogisk rettleiing i barnehage, 1 årig EQ-utdanning og nasjonal leiarutdanning for styrarar i barnehage.

Avd. Sjoaren

Hege er positiv og til stades for barna. Ho er ein trygg og varm vaksen, og god på å sjå kvart enkelt barn og deira behov.  Hege er enkel å snakka med, og er åpen og fleksibel for endringar. 

Avd. Roatoppen

Karoline er ein erfaren og engasjert pedagog. Ho er ein raus, omsorgsfull og trygg vaksen som likar seg godt på tur for å gi barna allsidige opplevingar i naturen. 

Avd. Joa Kari

Charlotte er positive og imøtekommande. Ho er ein trygg og tilstadeværande vaksen. Charlotte er svært glad i dyr og dyrelivet. 

Avd. Skukkane

Kamilla er ei roleg og omsorgsfull barnehagelærar som er god på å skapa gode og trygge relasjonar med barna. Har overblikk og eit positivt mennske å vera rundt. Kjem opprinneleg frå Moi, og har tildlegare jobba som barnehagelærar i Kristiansand. 

Kamilla er observatør og ressursperson innan CLASS. 

Dei gode samtalane er viktig for Grete, dette har ho fokus på i alt ho gjer med barna. Heldige er dei barna som får delta på Grete sine samlingar, ho er alltid godt førebudd med innhaldsrike samlingar. Grete har nå gått over i pensjonistane sine rekker, men vil fortsetja å komma innom som vikar.

Avd. Steinbru

For Mari-Alice er det viktig å la barna bli høyrt, sett og tatt på alvor. Ho ser ikkje problemet i barnet, men barnet som befinne seg i problemet. Mari-Alice er oppteken av å skapa god og trygg kvardag for barna, der barn skal være barn gjennom leik, læring, sansing og medverknad. Skapa gode relasjonar og tryggleik hjå barn og foreldre er viktig for Mari-Alice. Trygge barn, kan bety trygge foreldre.

Har master i spesialpedagogikk og er sertefisert CLASS-observatør og ressursperson. 

Avd. Skrubbasteinen

Brita er opptatt av å ha opne og ærlege samtalar om alt mogleg. Ho likar særs å spela spel, gå på tur, vera ute i naturen. Brita er ei praktisk anlagt dame, allsidig, spontan og tek på seg det meste av oppgåver. 

Brita er utdanna barne- og ungdomsarbeidar, og frå oktober 2024 har ho takka ja til stilling som barnehagelærar på disp.  

Avd. Roatoppen

Stine er ei blid og omgjengeleg å være rundt, for både store og små. Stine er engasjert i kvart enkelt barn. Ho er oppteken skapa tryggleik og tilhørighet for alle barna på avdelinga. 

Stine er for tida i foreldrepermisjon. 

Avd. Joa Kari

Elissett byrja hos oss i august 2022. Elissett er ein sprudlande og positiv kollega, og ein god vaksen for barna å vera nær. Elissett likar godt å ha formingsaktivitetar og det å være kreativ saman med barna. Ho starta som lærling, men er no blitt barne- og ungdomsarbeidar.

Avd. Skukkane

Sølve er opptatt av å bruke naturen som leike- og meistringsarena. La små, heile menneske få leike seg under kunnskapens tre, gjerne akkompagnert av gode musikkopplevingar. Han er kunnskapsrik og ein stødig og trygg vaksen for barna i barnehagen.

Sølve køyrer FUS bussen vår og er ofte å sjå ute på tur med barna.

Avd. Sjoaren

Frida er vår nye lærling som har starta opp sine to år i lære her i Ølensjøen i august 2024. Det første året skal ho være på småbarnsavdelinga Sjoaren. Ho likar å være kreativ saman med barna, og drive med formingsaktivitetar. Ho er god på å være til stades for ungane, og er ei arbeidsam og påliteleg jente.

Avd. Steinbru

Natalia er frå Polen, men har budd her i Ølen i fleire år. Ho har både pedagog- og logopedutdanning frå heimlandet. Natalia er ei ernergisk dame som likar å væra engasjert i mange slags aktivitetar. Ho har interesse og auge for leikemiljø, dekorasjon og formingsaktivitetar. Er også glad i å være i leik ute og ta barna med på tur.  

Avd. Skrubbasteinen

June er ein roleg, trygg og imøtekommande vaksen. Ho er kreativ og likar å vera på golvet og tilstades med barna i leik og aktiviteter. 

Avd. Roatoppen

Mona er tilstades for barna, ho er nede på gulvet og er stadig i leik. Ho er opptatt av å sjå barn utvikle seg og klare nye utfordringar. Mona er glad i å vera ute i naturen ilag med barn, skape ting og vera kreativ gjennom ulike formingsaktivitetar.

Mona er utdanna barne- og ungdomsarbeidar og ho er ein av dei tilsette som har fått opplæring i yoga for barn.  

Avd. Sjoaren

For Astrid er det viktig at alle barn blir sett, ho er ein trygg vaksen barna kan koma til. Astrid likar svært godt å vera på gulvet og aktiv i leik, fange opp barna sine interesser, lese, og ha gode samtalar ilag med barna. Barnehageåret 2024 vil Astrid jobba 60 % på Sjoaren, då ho tar logopedstudie i Bodø på deltid. 

Avd. Roatoppen

Rose Ann byrja hjå oss i august 2024, og kjem frå Rjukan. Ho kan traktere både piano og gitar, og sang og musikk er alltid populært blant barna. Ho likar seg óg ute på tur med barna, noko som er ein god måte og utforske verda på saman med dei små. 

Rose Ann er utdanna helsefagarbeidar, og har erfaring frå helsefag.

Avd. Roatoppen

Marie likar å skapa kvardagsmagi for barna. Ho er impulsiv og går gjerne inn i ulike roller. Gjennom bruk av drama i kvardagen skape ho mykje latter, "galskap" og humor på avdelinga både hjå barn og vaksne. 

Marie køyrer FUS-bussen vår og trives godt på tur saman med barna. 

Marie er utdanna barne- og ungdomsarbeidar, og hausten 2023 byrja ho som deltidsstudent (ABLU) på HVL. Inneværande barnehageår er ho tilsett som barnehagelærar på disp.  

Avd. Skukkane

Astrid er ein leikande vaksen, ho deltek stadig i rolleleik med barna, og tek gjerne roller i drama-opplegg. Ho likar også svært godt å gjennomføre ulike formingsaktivitetar isaman med barna. Astrid er opptatt av at alle barna skal ha ein kjekke dag fyllt med kvardagsmagi og latter. 

Astrid har lang erfaring frå arbeid i barnehage. Ho er blant dei som har fått opplæring i yoga og bruker dette aktivit ilag med barna. 

Avd. Roatoppen

Sanna begynte hjå oss i Ølensjøen i august -24. Ho kjem frå Åmål i Sverige, og er ei god venninne av Maja som begynte hjå oss nyleg. Ho likar seg godt saman med barn, og ho ser fram til å utforske verda saman med dei små. 

Assistent

Avd. Skukkane

Alina(23) byrja hjå oss nå i oktober. Ho vart ferdig utdanna sosiolog nå i vår, og blir eit bra tilskot til personalgruppa i tida framover. Ho kom saman med familien til Norge fra Romania for ti år sidan, då ho var 13 år. Ho likar seg i friluft, og å gå på tur er noko ho ser fram til å gjere saman med barna.  Av inneaktiviteter likar ho godt å male saman med dei små. 

Avd. Skrubbasteinen

Magne er vår entertainer og trubadur. Til stor glede for barna tek han gjerne fram gitaren og spelar for oss. Magne har fantastiske samlingsstunder som skaper både glede, latter og kvardagsmagi. Han likar også svært godt å lese for barna. 

Magne har mange års erfaring frå arbeid i barnehage og han har også kunnskap om yoga for barn. 

Avd. Joa Kari

Beathe er ein leikande vaksen. Ho elskar å vera ute, gå på tur og vera fysisk aktiv isaman med barna. Ho er opptatt av at barna skal utfordrast motorisk og jublar stort ilag med barna i meistringsøyeblikket. Som aktiv karateutøvar har Beathe mykje kunnskap om kosthald og kva kroppen treng av byggesteinar. Ilag med barna tryller ho ofte havregrautrester om til nydelege rundstykker til lunsj. Ho har lang fartstid i barnehagen.

Avd. Steinbru

Maja byrja å jobbe hjå oss i Ølensjøen i august 2024, og er ei blid jente som har budd store delar av livet sitt i Sverige. Ho har norske anar og har etablert seg på desse kanter. Maja har utdannelse frå Sverige som barnsköterska og dette tilsvarar barne og ungdomsarbeidar i Norge. Maja ser fram til å drive med teikning og dansing med barna. Ho er og glad i å gå på tur, og ser fram til å være med barna på dette.

Avd. Sjoaren

Wenke syner eit glødande engasjement ovenfor dei minste barna. Ho er ein god ladestasjon og skape tryggleik som gjer kvardagen god for dei minste. Wenke likar godt å synge isaman med barna. Ho har mange års erfaring frå arbeid på småbarnsavdeling.

Avd Sjoaren

Monica synes det er svært viktig å ta seg tid, vera tilstades på gulvet og møta barna på ein varm måte for å skapa tillit. Monica bidrar mykje med sin kreativitet og sine kunstneriske evner i det daglege arbeidet med barna. Ho er utdanna barnepleiar og har mange års erfaring med arbeid i barnehage.

Avd. Steinbru

Emelie er opptatt av å hjelpe barna i daglege utfordringar, pushe og samstundes støtte barna. Å sjå gode resultat i dette arbeidet gir ho mykje. Emelie likar godt å lese, lage mat og gå på tur med barna. Ho har førarkort for minibuss, og er ein av sjåførane våre når me er ute på tur. Emelie er utdanna barne- og ungdomsarbeidar.

Avd. Skrubbasteinen

Sølvi skape mange gode stunder med barna med gode samtalar. Ho deltek gjerne i leiken saman med barna og nyttar mykje humor i kvardagen, til stor glede for både store og små. Å le isaman med barna set Sølvi stor pris på. Sølvi har lang fartstid i barnehagen.

Anne Gry er opptatt av å møta kvart eit barn der dei er i si utvikling, samt å styrka deira sjølvkjensle. Anne Gry viser stort engasjement og skapar gode relasjonar til, og rundt enkelt barn. Ho er god på å sjå kvart enkelt barn sitt behov, og styrka barnas ferdigheter og utvikling. Alle avdelingar har gleda av å nytte Anne Gry sine breie erfaringar, kunnskap og støtte.

Heile barnehagen

Mari er ei av våre to spesialpedagogar på huset, har ansvar for oppfølging av spesialpedagogiske timar. Hennar kreativitet vert gjenspeilt i alle aktivitetane ho har i saman med barna. Ho gløde for å gi barna læring, opplevingar og erfaringar i naturen. Ho har ein forkjærleik for song og nyttar dette dagleg i sitt arbeid.

Avd Skrubbasteinen

Maren er opptatt av livsmeistring og trivsel hjå barna. For å fremje dette nyttar ho mykje tull og tøys som bringe fram latter hjå barna i kvardagen. Ho gløde særs når ho får jobbe med formingsaktiviteter isaman med barna. 

Maren har permisjon fram til midten av februar 2025